Populærkultur

Populærkultur er kultur som blir forbrukt av breie lag av folket og som blir produsert av medieindustrien. Ordet blir gjerne brukt i motsetning til "høgkultur", eller "elitekultur", men medieforskinga er også oppteken av korleis det "høge" og "låge" blir blanda i dagens medium. Forsking på populærkultur handlar om å forstå rammene slik kultur blir til innanfor, kvifor han appellerer og kva rolle han speler i kvardagslivet til folk.