Tal og fakta

Institutt for musikkvitskap er det største musikkvitskaplege miljøet i Norden. Instituttet gjev forskingsbasert undervisning på alle nivå innanfor eit breitt spekter av musikkvitskaplege tema og perspektiv.

Nøkkeltal for 2012

Vitskaplege publikasjonar	27
Masterprogram	1
Bachelorprogram	1
Emne	58
Fast vitskaplege årsverk	17,7
Stipendiatar	10,3
Administrative årsverk	5,9
Budsjett	40 millionar
Del av budsjettet som er eksternt finansisert	25 prosent
Forskingsprosjekt med ekstern finansiering	7

 

Forskingsområder

• Forskinga ved instituttet er hovudsakleg knytt til tre tradisjonar: historisk/estetisk, kulturanalytisk og kognitiv musikkforskning.
• Musikkvitskap er eit tverrdisiplinært fag med kompetanse innanfor blant anna estetikk, historie, kulturstudiar, pedagogikk, psykologi, sosiologi og informatikk.

Nasjonale satsingar

Institutt for musikkvitskap har initiert prosjektet Norsk musikkarv, eit prosjekt som er under etablering som eit breitt nasjonalt og internasjonalt samarbeid mellom biblioteks- og samlingsinstitusjonar på den eine sida og universitet og høgskular på den andre. Norsk musikkarv har som mål å sikre vern av, kunnskap om og tilgjenge til notematerialet til verk av norske komponistar.