Prøveførelesinga
Prøveførelesingane finn vanlegvis stad torsdag frå kl 16.15. til 18.00. Fyrst held kandidaten førelesinga over det sjølvvalde emne (16.15-17.00) og så over det oppgitte emne (17.15-18.00). Dersom instituttet/grunneininga og komiteen ønskjer det, kan prøveførelesingane finne stad same dag som disputasen. I slike døme byrjar prøveforelesingane på morgonen, og disputasen på ettermiddagen.
Komitéadministratoren eller styraren ved instituttet/grunneininga presenterer kort doktoranden.
Disputasen
Disputasen finn vanlegvis stad fredag frå kl 9.15 eller frå kl 13.15, og skal normalt haldast innanfor ei tidsramme på tre og ein halv time.
Gangen i disputasen (Tidsrammene i parentes er rettleiande):
- Prosesjon inn i auditoriet. Doktoranden går fyrst, deretter fyrste opponent, andre opponent, tredje medlem av komiteen og disputasleiaren til slutt (plasseringa sjå under).
- Disputasleiaren held ei kort innleiing.
- Doktoranden presenterer avhandlinga og gjer greie for føremålet med og resultata av den vitskapelege undersøkinga. (ca 20 min.)
- Fyrste ordinære opponent held sin opposisjon. (ca 60 min.)
- Prosesjon ut av auditoriet
- Pause (ca 15-30 min.)
- Prosesjon inn i auditoriet
- Andre ordinære opponent held sin opposisjon. (ca 60 min.)
- Eventuelle opponentar ex. auditorio held sine opposisjonar (maks. 10 min. kvar)
Anbefalte disputaslokale
Det humanistiske fakultet har ei fast disputasbooking i auditorium 2, Sophus Bugges hus kvar fredag.
Gamle festsal i Domus Academica er også mykje brukt til disputas.
Andre rom som institutta ved HF har gode erfaringar med, er auditorium 3, Sophus Bugges hus, auditorium 2 og 3, Helga Engs hus og auditorium 7/Trygve Haavelsmos auditorium i Eilert Sundts hus.
Dersom instituttet ønskjer å bruke Gamle festsal eller andre auditorier, må instituttet sjølv booke romma.
Sosial markering
Instituttet betaler og tingar lunsj for doktorand, disputasleiar, komité og rettleiar før eller etter disputasen dersom det er ynskje om det.
Dersom doktoranden ynskjer det, kan ho eller han invitera til doktormiddag om kvelden etter disputasen. Dette har vore ein vanleg skikk i fleire miljø ved fakultetet, men her står doktoranden heilt fritt. Dersom doktoranden tilhøyrer eit miljø der det kjennes riktig å ha ei slik sosial markering, er det doktoranden sjølv som har ansvaret for invitasjonane.