Olav Duun er ein av dei mest gripande forfattarane i norsk litteratur. I «Medmenneske», eit høgdepunkt i forfattarskapen, utforskar han makt og lagnad mellom menneske.
Det handlar om den vonde Didrik Dale, den underkua sonen Håkon og svigerdottera Ragnhild. Romanen fører oss inn i menneskesinnet, i dei irrasjonelle maktene som styrer oss.
I innsikt blir du betre kjend med karakterane i «Medmenneske» og det litterære språket til Duun, dei råkande replikkane fulle av verbal kraft og underdriving. Det er ein forteljarkunst som går tilbake til islendingesogene. Duun skreiv norske soger i same stil.
Ragnhild sitt sitat «Det vonde drep du ikkje med øks» fortel både om språkleg kreativitet og om miskunn, som er så typisk for Duun. Men kva meiner Ragnhild eigentleg når ho seier dette?
Arrangementet er eit samarbeid mellom Det Norske Teatret og «Makt – Humaniorafestivalen 2026».
Du møter
Ronny Spaans er professor i litteraturhistorie ved Universitetet i Oslo. Han forskar på nynorsk litteratur i førre hundreåret, forfattarar som Olav Nygard og Olav H. Hauge, og han arbeider for tida med ei bok om topografisk litteratur på 1600-talet. Han er òg medredaktør av Norsk litterær årbok.
Praktisk informasjon
Arrangementet er gratis og ope for alle. Skal du sjå framsyninga, må du ha billett. Les meir om framsyninga «Medmenneske» på nettsidene til Det Norske Teatret.
Det Norske Teatret ligg i Kristian IVs gate 8. Finn vegen med Google maps.
Makt – Humaniorafestivalen 2026
Frå 11. til 26. mars inviterer Universitetet i Oslo til festival om makt.
Få med deg samtalar, føredrag, filmvisingar og mykje meir, på biblioteka til Deichman og ved kulturinstitusjonar over heile byen.
Alle arrangementa er gratis!
Vil du studere humanistiske fag?
Sjekk kva du lærer, kva jobbar du kan få og korleis det er å være student.