Medlemar 2026
Frå leiinga
- Christine Meklenborg Nilsen, instituttleiar
- Karen Gammelgaard, nestleiar (vara)
For fast vitskapeleg tilsette
- Kristin Bech
- Marit Grøtta
- Sergio Sabbatini
- Michael Lundblad, 1. vara
- Jorge Joaquin Locane, 2. vara
- Eva Sarfi, 3. vara
For mellombels tilsette
- Karoline Aastrup-Köhler
- Eskil Blaaflat Mundal, 1. vara
- Connor Lee Bradley, 2. vara
For administrativt tilsette
- Tiril Borgå Johansen
- Ingeborg Dalby, 1. vara
- Mia Brunelle Jønnum, 2. vara
Studentrepresentantar (det akademiske året 2026-27)
- Laura Clara Marie Deyssier
- Kari Skreddernes Lydersen
Eksternt medlem
- Målfrid Hoaas, fakultetsdirektør OsloMet, Fakultet for teknologi, kunst og design
- Vara: Henrik Urdal, direktør for PRIO - Institutt for fredsforskning
Sekretær
- Karina Kleiva
Rolle
Instituttstyret er instituttet sitt øvste styringsorgan. Styret vedtek overordna mål, prioriteringar og strategiar for instituttet.
Instituttleiar er leiar for styret, og førebur sakene som skal handsamast. Administrativ leiar er sekretær, men ikkje styremedlem.
Alle møta i instituttstyret er normalt opne. Styret kan lukke møtet i nokre saker, slik at berre styremedlemar og sekretær er tilstades.
Styret utøver ansvaret sitt ut frå vedtak i universitets- og fakultetsstyret, og innanfor dei lover, forskrifter og reglar som gjeld til eikvar tid.
Saker
Instituttet sitt styrings- og administrasjonsreglement regulerer kva slags saker styret skal handsame.
Styret handsamar til dømes:
- Årsplan og budsjett
- Overordna planar, prinsipp og prioriteringar for verksemda, slik desse er nedfelte i langtidsplanar som til dømes strategisk plan og faglege prioriteringar for instituttet.
- Godkjenning av rekneskap og årsrapport, som er to av styret sine instrument for å følgje opp verksemda.
- Den interne organiseringa i avdelingar, faggrupper med meir vert også handsama av styret, innanfor rammer fastsette av fakultetsstyret.
Ved tilsetjing av instituttleiar og vitskapelege ansatte, innstiller styret kven som bør tilsetjast. Innstillinga blir send til fakultetsstyret, som har vedtaksmynde ved tilsetjingar.
Møte
Instituttstyret har rundt ti møte i året. Ved instituttleiars fråver leiar nestleiaren styremøtet. Nestleiaren møter med fast tale- og forslagsrett i styret.
Sjå dato og protokoll for instituttstyremøta.
Val til styret
Gruppene fast vitskapeleg tilsette og teknisk-administrativt tilsette veljer styremedlemar kvart fjerde år.
Medlemane for studentane og for mellombels vitskapeleg tilsette blir valde kvart år.
Den eksterne styremedlemen vert oppnemnd kvart fjerde år av fakultetsstyret, etter framlegg frå instituttstyret.