Eg er professor i nordisk språkvitskap. Eg har vore på ILN sidan 2016, og har vore representant for dei fast vitskapleg tilsette i styret i tidbolken 2021-24, og ph.d.-leiar på instituttet i tidbolken 2022-24.
Før eg kom til ILN, var eg nestleiar på Institutt for språkfag på USN. Eg har, med andre ord, god røynsle med styre og stell på universitetet.
I førre styreperiode har eg ivra for at prosessane fram mot avgjerder skal vera so gjennomsynlege og demokratiske som råd, og at dei har god stønad hjå både tilsette og studentar på instituttet. Det vil eg halda fram med. No går me inn i ei tid med trongare økonomiske vilkår for instituttet, og då er det viktig at styret gjer dei rette prioriteringane. Me bør stimulera og leggja til rette for dei aktivitetane som har potensial til å auka inntektene for instituttet på lang sikt, og samstundes sjå til at me stettar samfunnsoppdraga våre (forsking, undervisning og formidling) på ein fullgod måte.