Einar Vannebo har sin bakgrunn som student og stipendiat ved ILN. Han er også teolog. I 2016 disputerte han på ei avhandling om religion og menneskesyn i Duuns dikting. Innlegget sitt presenterer han slik:
Det er i år 100 år sidan Olav Duuns Juvikfolke vart fullført, eit verk som løfta forfattaren opp i stjernelaget på det litterære parnasset som kandidat til Nobelprisen. I 1926 stod det på ei røyst at han fekk den. Eg vil i dette seminaret ta for meg posisjonar i Duun-forskinga frå Rolv Thesens monografi frå 1942 fram til dagens forskingsstatus. Fleire av instituttets litteratar har levert viktige bidrag i denne forskingshistoria, m.a. Daniel Haakonsen, Otto Hageberg, Leiv Fetveit og Åsfrid Svensen. Kva nye tema og vinklingar vil det vere naturleg å utfordre forskingsmiljøet til å arbeide med fram mot 150-årsjubileet for Duuns fødsel i 2026?
Vel møtt!