Organisasjon

Ved Institutt for kulturstudium og orientalske språk (IKOS) blir det arbeidd med undervisning, forsking og formidling innanfor religion og kultur særleg i Europa og Asia. Innanfor språkbaserte områdestudium har instituttet særleg vekt på Sør-Asia, Aust-Asia, Midtausten og Nord-Afrika. Instituttet har fleire studieprogram som dekkjer både bachelornivå og masternivå.

Av instituttet sine 110 tilsette er 40 ph.d- og post.doc.stipendiatar. Kvart år blir det teke opp ca 500 nye studentar på bachelor-, master- og ph.d.-programma.

IKOS har internasjonalt profilerte forskingsmiljø og avtalar om studentutveksling med fleire velrenommerte utanlandske universitet.