Handbok i norrøn filologi

Eit viktig resultat av arbeidet i samarbeidsnemnda for norrøn filologi er Handbok i norrøn filologi (2004, 2. utg. 2013).

På arbeidsmøtet i Bergen 16.02.2002 vart det vedteke å lage ei handbok i norrøn filologi tilpassa behova på faget norrøn filologi og ulike modular av faget nordisk. Odd Einar Haugen fekk i oppdrag å koordinere arbeidet med denne handboka, der åtte norske norrønfilologar deltok. Handboka kom ut på Fagbokforlaget i Bergen i serien til Landslaget for norskundervisning 21.12.2004. Meir informasjon finst på nettsida Handbok i norrøn filologi (folk.uib.no).

Tysk utgåve

Ei tysk utgåve av boka vart utgjeven på Walter de Gruyter i Berlin i september 2007 under tittelen Altnordische Philologie: Norwegen und Island. Boka er omsett av Astrid van Nahl, som i samarbeid med redaktøren av boka og ei rekkje konsulentar har omarbeidd boka for den tyske lesarkrinsen.

Andre utgåve

Ei andre utgåve av handboka med tre nye kapittel kom i 2013, også denne utgjeven av Fagbokforlaget / Landslaget for norskundervisning. Andre utgåve har også fleire illustrasjonar og fargetrykk.

Også den andre utgåva er omsett til tysk, i to digitale band (2020 og 2021). Denne utgåva er ope tilgjengeleg frå Novus forlag, til glede for alle tyskkunnige norrønfilologar, og kvart kapittel (med litteraturliste) kan lastast ned for seg.

Publisert 3. nov. 2022 17:05 - Sist endret 17. mars 2023 18:37