Ny forskar på MultiLing

Pernille Hansen starta denne veka som forskar tilknytta flaggskipsprosjektet MultiLing Dementia. Prosjektet skal sjå på språklege, kognitive og sosiale verknader av Alzheimers sjukdom hos fleirspråklege, og ein søkjer òg å finne ut korleis vi kan hjelpe fram god kommunikasjon mellom desse individa og menneska rundt dei. Pernille går til jobben frå stillinga som gjennomføringsstipendiat ved MultiLing. I doktorgradsavhandlinga si undersøkte ho mellom anna korleis eigenskapar ved ord samla i databasen Ordforrådet påverkjer ordforrådet hos born, og i MultiLing sitt demensprosjekt vil ho mellom anna forska vidare på ordforrådet gjennom å sjå på korleis slike eigenskapar påverkjer leksikalsk prosessering hos fleirspråklege med Alzheimers sykdom.